მთავარი » 2010 » თებერვალი » 3 » * * *
10:01 PM
* * *


ყოველ საღამოს, როცა მზე ჩადის  


  და თეთრი ზეცა ნელა ბინდდება  


მე შენზე ფიქრი ისევ მეძახის,  


მე შენთან ყოფნა ძლიერ მინდება.  




შენი თვალების ნაცნობი ფერი


მაკლია მაშინ და მენატრება,  


  როცა მილეულ მზის შუქს შევცქერი  


  არ ვიცი, ასე რად მემართება.  




მე ვერ ვგრძნობ შენი სხეულის სითბოს,  


  შენი ტუჩების მე მკლავს წყურვილი  


  და არ არსებობს ამქვეყნად თითქოს  


    სხვა ნატვრა, ანდა სულ სხვა სურვილი.  




მხოლოდ მართობენ შენზე ფიქრები...  


  უშენოდ ყოფნას ძლიერ განვიცდი,  


  და მაინც თუკი ჩემი იქნები  


    თუნდაც მილიონ წელწადს დაგიცდი.  




  მე მახალისებს შენი დანახვა, -  


შენ იასამნის აგდის სურნელი,  


  მაშინაც, როცა ჩემთან არა ხარ,  


ხარ სანატრელი და სასურველი.  




ყოველ საღამოს, როცა მზე ჩადის  


და თეთრი ზეცა ნელა ბინდდება  


მე შენზე ფიქრი ისევ მეძახის,  


  მე შენთან ყოფნა ძლიერ   მინდება.




გიორგი ირემაშვილი

                               
მიმაგრება:
კატეგორია: მენატრები | ნანახია: 2183 | დაამატა: PaWuKa | რეიტინგი: 3.0/1
სულ კომენტარები: 1
0   Spam
1 revazi   (2012-10-20 10:43 PM)
magaria

კომენტარის დამატება შეუძლიათ მხოლოდ დარეგისტრირებულ მომხმარებლებს
[ რეგისტრაცია | შესვლა ]